Guðmundur Þórarinsson miðjumaðurinn knái er með tilboð frá New York City. Þetta kom fram í Dr. Football í dag.
New York City leikur í MLS deildinni en félagið hefur sömu eigendur og Manchester City.
Guðmundur er án félags eftir að samningur hans við Norköpping í Svþjóð rann út.
Samkvæmt heimildum 433.is hefur Guðmundur rætt við félög í Tyrklandi, Ítalíu og fleiri löndum.
Guðmundur lék með Selfoss og ÍBV á Íslandi en hefur síðan þá spilað í Danmörku, Noregi og Svíþjóð.
Guðmundur er 27 ára gamall en honum hefur ekki tekist að festa sig í sessi hjá A-landsliðinu.