Manchester United heldur áfram að ræða við Sporting Lisbon og vonast til að geta fengið Bruno Fernandes áður en félagaskiptaglugginn lokar á föstudag.
United hefur í allan janúar reynt að ná samkomulagi við Sporting, það hefur illa gengið. Félagið vill ekki borga of mikið og er meðvitað um fjárhagsvanda Sporting.
Bruno mun bera fyrirliðabandið í kvöld er Sporting mætir Maritimo í úrvalsdeildinni í Portúgal.
Þessi 25 ára miðjumaður vill fara til United og ku hafa samið um kaup og kjör.
Record í Portúgal segir að United sé að hækka tilboð sitt um 4 milljónir punda, félagið ku ætla að leggja fram tilboð í dag. United býður Sporting 46 milljónir punda í fyrstu greiðslu og 16 milljónir punda í bónusa, sú greiðsla fer svo eftir frammistöðu Bruno og United.