Paul Scholes, goðsögn Manchester United, skaut harkalega á miðjumanninn Paul Pogba í gær.

Pogba er enn frá vegna meiðsla og er óvíst hvenær hann snýr aftur. Frakkinn spilaði ekki í 0-2 tapi gegn Burnley í gær.

Scholes kallar Pogha grenjuskjóðu og býst við að hann sé ekki að gera neitt til að snúa aftur á völlinn.

,,Ég held að Pogba sé ekki að snúa aftur eftir meiðsli og ef hann er að því þá mun hann væla yfir einhverju öðru og reyna að spila ekki,“ sagði Scholes.

,,Hann vill reyna að komast frá félaginu. Við erum enn að tala um leikmennina sem eru ekki með liðinu. Þetta lið er nógu sterkt til að vinna Burnley.“

,,Ég óttast næstu fjórar eða fimm vikurnar því ég held að enginn sé að fara að snúa aftur.“