Jurgen Klopp, stjóri Liverpool, er virkilega fúll með að Afríkukeppnin muni fara fram í janúar á ný á næsta ári.
Leikmenn eins og Mo Salah, Sadio Mane og Naby Keita munu líklega spila fyrir sín landslið á mótinu á næsta ári.
Árið 2021 fer keppnin fram í Kamerún og það er einfaldlega of heitt þar í landi til að spila mótið um sumarið. Leikmenn gætu misst að allt að tíu leikjum frá janúar til febrúar.
,,Að Afríkukeppnin sé nú á dagskrá í janúar, það er katastrófa fyrir okkur,“ sagði Klopp.
,,Við höfum engin völd jafnvel þó að við segjum ‘þeir mega ekki fara’ þetta er skylda leikmannsins.“
,,Hvernig er það hægt að fyrirtækið sem borgar laun leikmannsins getur ekki ráðið hvort hann fari eða ekki?“
,,Ég get tjáð mig um þetta og enginn mun hlusta. Þetta er mesta tímaeyðslan. Vælarinn frá Liverpool eða hvað sem það er tjáir sig aftur. Svo lengi sem ekkert breytist þá held ég áfram að nefna þetta.“