Frank Lampard, stjóri Chelsea, hefur fengið grænt ljós frá eiganda félagsins, Roman Abramovich.
Frá þessu greina enskir miðlar en Abramovich hefur ákveðið að leyfa Lampard að reyna að fá Jadon Sancho frá Dortmund.
Sancho er einn efnilegasti leikmaður Englands en hann gekk í raðir Dortmund frá Manchester City.
Þessi 19 ára gamli leikmaður myndi kosta allt að 120 milljónir punda sem Chelsea gæti borgað.
Manchester United og Liverpool eru einnig orðuð við Sancho sem er landsliðsmaður Englands og spilar á vængnum.