Manchester United vonast til þess að ganga frá lausum endum við Sporting Lisbon í dag, er varðar kaup á Bruno Fernandes.
Sky Sports segir á vef sínum í dag að Bruno Fernandes verði leikmaður United, það sé komið á hreint.
Félögin nálgist samkomulag, aðeins sé spurning hvort Bruno spili gegn Benfica í kvöld eða ekki.
,,Þetta er á lokametrunum, þau nálgast samkomulag. Þetta mun gerast, Solskjær vill leikmanninn eins fljótt og hægt er,“ sagði James Cooper fréttamaður Sky.
,,Þetta eru einu stóru kaupin sem United er að reyna að gera í janúar, þú yrðir hissa ef þetta færi ekki yfir línuna.“