Ragnar Sigurðsson, landsliðsmaður í knattspyrnu hefur skrifað undir hjá FC Kaupamannahöfn og verður þar fram á sumar. Ragnar rifti samningi sínum við Rostov, í Rússlandi nokkuð óvænt.
Ýmsar kenningar hafa verið á kreiki um ástæðuna fyrir því að Ragnar rifti, Dr. Football kafaði í málið. Samkvæmt Hjörvari Hafliðasyni, þá á Ragnar inni talsvert af peningum hjá Rostov. Félagið er í vandræðum með að borga leikmönnum laum.
Björn Bergmann Sigurðarson er að fara til Kýpur frá Rostov og Viðar Örn Kjartansson er einnig á förum frá félaginu.
,,Ég talaði við einn í gær sem vildi ræða Ragga Sig málið, auðvitað mikið af slúðri og bulli í gangi. Það eru þessar nýju útlendinga reglur og svo er Rostov ekki að borga á réttum tíma, borga seint og illa,“ sagði DR-inn, Hjörvar í þætti dagsins.
,,Menn höfðu þolinmæði fyrir því í einhvern smá tíma, svo þurfti bara að gera eitthvað. Besta fyrir Ragga væri ef þeir kæmust í Evrópukeppni, þá verða þeir að gera upp við hvern einasta leikmann.“
Hjörvar segir að Ragnar eigi góða summu inni í Rússlandi. ,,Hann á inni peninga, miðað við það sem ég heyri. „