Berglind Björg Þorvalsdóttir, framherji Breiðabliks er á leið til AC Milan. Þetta staðfesti Sigurður Hlíðar Rúnarsson hjá Breiðabliki við Fótbolta.net í dag.
Mörg stór félög í Evrópu hafa haft áhuga á Berglindi síðustu vikur.
Hennar mál eru nú að leysast en samkvæmt heimildum 433.is skoðaði hún aðstæður hjá Milan um helgina.
Berglind var á láni hjá PSV á síðasta ári en heldur nú til Ítalíu, þangað til Pepsi Max-deildin fer af stað.
Berglind átti gott ár árið 2019 og var kjörinn íþróttakona Kópavogs.
