Barcelona er að leita að framherja þessa stundina til að leysa Luis Suarez af hólmi.

Suarez er meiddur og mun líklega ekki spila meira á þessu tímabili en hann fór í aðgerð um helgina.

Þessi 32 ára gamli leikmaður verður frá í allavegana fjóra mánuði og þarf Barcelona á manni í hans stað.

Samkvæmt fregnum dagsins koma tveir til greina, þeir Carlos Vela og Lautaro Martinez.

Martinez spilar með Inter Milan og hefur staðið sig frábærlega undir stjórn Antonio Conte á tímabilinu.

Vela lék áður með Real Sociedad á Spáni en hann er í dag á mála hjá LAFC í Bandaríkjunum.