Dagbladet í Noregi sem hefur sterka tengingu til Ole Gunnar Solskjær stjóra Manchester United segir að Jadon Sancho setji nú mikinn þunga á forráðamenn Borussia Dortmund um að ganga í raðir United.
Dortmund hafnaði í gær rúmlega 90 milljóna punda tilboði frá United í enska kantmanninn. Sancho vill komast til Rauðu djöflanna.
Sky Sports segir á sama tíma frá því að United skoði það nú að leggja fram nýtt og betra tilboð í Sancho.
Samkvæmt fréttum þá er Sancho að setja pressu á að komast og er það sögð ástæða þess að hann ferðaðist ekki með Dortmund í leik gegn FC Bayern sem fram fer í kvöld.
Sanco er tvítugur enskur landsliðsmaður og hann hefur hug á því að komast aftur heim til Englands. Félagaskiptaglugginn lokar án mánudag.
– Nye samtaler mellom Solskjær og Sancho. Sancho presser på for United-overgang / – Sancho pushing for United move. https://t.co/MqoOAGOjjl
— Fredrik A. Filtvedt (@FAFiltvedt) September 30, 2020
