Fram vann sigur á Vestra í Lengjudeildinni í gær og eru Safamýrapiltar í hörku baráttu um sæti í efstu deild þegar lítið er eftir af deildinni.
Olís bauð öllum frítt á völlinn í gær á Ísafirði en allir þeir sem mættu borguðu sig inn, það gerðu einnig leikmenn bæði Vestra og Fram. Í heildina söfnuðust 250 þúsund krónu
„Fólki var boðið að borga sig inn og styrkja þar með þá baráttu sem Pétur Oddsson og fjölskylda eiga framundan, eftir slæmt vinnuslys sem Pétur lenti í,“ segir á Facebook síðu Vestra.
Pétur varð fyrir alvarlegu vinnuslsyi á dögunum og vildu Vestra menn létta undir með fjölskyldunni á erfiðum tímum. „Þann 17.september síðastliðinn lenti Pétur Oddsson í alvarlegu vinnuslysi í Önundarfirði. Silla (Kona Péturs) hefur verið hjá honum í Reykjavík síðan slysið varð en vegna Covid-19 er hún sú eina sem má heimsækja hann. Pétri hefur verið haldið sofandi í öndunarvél á gjörgæsludeild LSH síðan slysið varð og er fyrirséð að þetta verður langt og krefjandi verkefni sem fjölskyldan tekst á við,“ segir undir færslu Vestra.
Við minnum á að þeir sem hafa ekki tök á að koma á leikinn og styðja við gott málefni, þá er hægt að millifæra á eftirfarandi reikning:
0154-15-250303
4701025270
Við erum eiginlega orðlaus yfir viðbrögðum ykkar við söfnun gærdagsins.
Þrátt fyrir að það hafi verið frítt á leikinn,…
Posted by Vestri – Knattspyrna on Wednesday, 30 September 2020