Hinn 23 ára gamli Ruben Dias hefur gert samning við Manchester City út árið 2026. Dias kemur til City frá Benfica. Sagt er frá þessu á heimasíðu Manchester City.
Dias hefur spilað 19 landsleiki fyrir Portúgal og varð meistari í Portúgal með liði sínu Benfica í fyrra.
Ruben Dias segir að ákvörðinin að fara til City hafi verið auðveld. Honum líður eins og hann muni bæta sig sem leikmaður og ná góðum árangri.
Dias var kjörinn besti ungi leikmaðurinn í Portúgölsku deildinni árið 2018. Á síðustu leiktíð var Dias valinn í lið tímabilsins.
Manchester City er sem stendur í 13. sæti í ensku úrvalsdeildinni eftir tvo leiki. Næsti leikur City er á morgun í enska deildarbikarnum þegar liðið mætir Burnley.
