Chelsea hefur staðfest kaup sín á Edouard Mendy frá Rennes fyrir um 20 milljónir punda en hann hefur skrifað undir fimm ára samning.
Mendy er ætlað að taka stöðu markvarðar í liði Chelsea en Kepa Arrizabalaga hefur ollið miklum vonbrigðum. Kepa er dýrasti markvörður sögunnar en mistök hans hafa verið mörg og Frank Lampard hefur ekki meiri þolinmæði fyrir mistökum Kepa.
Með kaupunum á Mendy er Chelsea búið að eyða 250 milljónum punda í leikmenn í sumar, 44 milljarðar íslenskra króna á nokkrum vikum.
Dýrastur var Kai Havertz sem kom frá Leverkusen, þeir Ben Chilwell og Timo Werner kostuðu sitt. Hakim Ziyech kom frá Ajax og Thiago Silva kom frítt frá PSG.
Pressa er á Frank Lampard að ná árangri í vetur eftir að Roman Abramovich opnaði veskið fyrir hann með þessum hætti.
