Fjórum leikjum af fimm er lokið í annarri deild karla í dag.
Njarðvík og Þróttur Vogum náðu mikilvægum sigrum í toppbaráttunni. Njarðvík sigraði Víði með tveimur mörkum gegn engu á meðan Þróttur V. sigraði Fjarðabyggð með þremur mörkum gegn engu. Njarðvík er með 39 stig í öðru sæti og Þróttur V. í því þriðja með 37 stig.
Kári sigraði botnlið Dalvíkur/Reynis með tveimur mörkum gegn einu. Völsungur náði í þrjú dýrmæt stig er þeir unnu KF með tveimur mörkum gegn einu. Þar með komst Völsungur upp úr fallsæti og eru þeir með 14 stig í tíunda sæti á meðan Víðir er með 13 stig í því ellefta.
Fjarðabyggð, KF og Kári sigla lygnan sjó um miðja deild.
Síðasti leikur dagsins í 2. deild hefst klukkan 19:15. Kórdrengir taka á móti Selfossi. Búast má við hörkuleik þar sem Kórdrengir eru á toppi deildarinnar með 40 stig og Selfyssingar í því fjórða með 37 stig.
Fjarðabyggð 1 – 3 Þróttur V.
0-1 Ethan James Alexander Patterson (20′)
0-2 Andri Jónsson (24′)
0-3 Alexander Helgason (40′)
1-3 Rubén Lozano Ibancos (74′)
Dalvík/Reynir 1 – 2 Kári
Markaskorara vantar
KF 1 – 2 Völsungur
Markaskorara vantar
Víðir 1 – 2 Njarðvík
Markaskorara vantar