Tveir leikir fóru fram í Lengjudeild karla í dag.
Í Vestmannaeyjum tóku heimamenn í ÍBV á móti nýliðunum í Leikni frá Fáskrúðsfirði. Ekkert mark var skorað í leiknum og þar með misstu Eyjamenn af gullnu tækifæri til þess að reyna koma sér nær toppliðum deildarinnar. Að sama skapi gæti þetta eina stig skipt miklu máli fyrir Leiknismenn sem eru að berjast við að halda sæti sínu í deildinni.
ÍBV situr í 4 sæti deildarinnar eftir þennan leik með 26 stig. Leiknir F eru í 11.sæti með 12 stig.
Á Ísafirði tók Vestri á móti Magna frá Grenivík. Vladimir Tufegdzic kom Vestramönnum yfir á 27. mínútu. Pétur Bjarnason tvöfaldaði síðan forystu Vestra á 42. mínútu. Tómas Örn Arnarson náði þó að minnka muninn fyrir gestina rétt fyrir leikhlé. Fleiri mörk voru ekki skoruð í seinni hálfleik og sigur Vestra því staðreynd.
Vestri er eftir þennan leik í 6. sæti deildarinnar með 23 stig. Magni er í 12. sæti með 9 stig.
Lengjudeild karla
ÍBV 0 – 0 Leiknir F.
Vestri 2 – 1 Magni
1-0 Vladimir Tufegdzic (’27)
2-0 Pétur Bjarnason (’42)
2-1 Tómas Arnarson (’45)
Upplýsingar um úrslit og markaskorara fengnar af urslit.net
