Kantmaðurinn Kwame Quee hefur verið lánaður til Víkinga í Reykjavík út tímabilið.
„Að tímabili loknu rennur samningur Kwame við Breiðablik út og því kveðjum við Blikar þennan skemmtilega leikmann,“ segir á Vef Blika.
Kwame kom til Breiðabliks í byrjun árs 2019. Hann lék alls 24 mótsleiki fyrir Breiðablik og skoraði í þeim þrjú mörk.
Kwame lék með Víkingum á láni á síðustu leiktíð og stóð sig vel en Óskar Hrafn Þorvaldsson hefur gefið honum fá tækifæri í byrjunarliði Blika.
