Stuðningsmaður Arsenal nefndi nýlega barnið sitt í höfuðið á leikmanni liðsins. Leikmaðurinn sem um ræðir var þó afar umdeildur á síðasta tímabili þar sem ekkert virtist ganga hjá honum.

Jack Robinson, faðir barnsins, birti færslu á Twitter þar sem hann sagði að ef Mesut Özil, leikmaður Arsenal, svaraði tístinu þá myndi konan hans leyfa honum að nefna barnið sitt í höfuðið honum. Þetta vakti athygli, ekki síst vegna þess að Özil hefur ekki gengið vel hjá Arsenal undanfarið.

Fjórum dögum síðar svaraði Özil honum. „Það er þá samþykkt. Ég varð þér ekki fyrir vonbrigðum og nú er komið að þér. Ég vil sjá fæðingarvottorðið þegar barnið fæðist,“ sagði Özil.

Robinson deildi síðan mynd af barninu ásamt fæðingarvottorðinu í vikunni. „Mara Özil Robinson, móður og barni líður vel,“ sagði Robinson. „Takk aftur fyrir magnaða minningu sem varir til æviloka.“ Özil var fljótur að svara. „Vá ég trúi ekki að þú hafir gert þetta í alvörunni. Risastórar hamingjuóskir til þín og fjölskyldunnar.“