Clive Tyldesley er nafn sem einhverjir Íslendingar kannast við en hann er knattspyrnulýsandi á Englandi og hefur verið í mörg ár.
Tyldesley hefur unnið fyrir sjónvarpsstöðina ITV og hefur lýst leikjum í Meistaradeildinni í ófá ár.
Í gær fékk Tyldesley þær fréttir að honum hefði verið skipt út fyrir mann að nafni Sam Matterface sem mun sjá um hans störf héðan í frá.
Tyldesley hefur undanfarin 22 ár verið aðal lýsandi ITV en hann mun nú færa sig yfir í minna hlutverk.
,,Til að koma því á hreint, þetta er ákvörðun ITV ekki mín. Ég er reiður, pirraður og steinhissa,“ sagði Tyldesley á Twitter.
Tyldesley er orðinn 65 ára gamall en hann hefur einnig séð um að lýsa landsleikjum Englands. Það verður ekki raunin fyrir EM 2020.
