Christian Benteke, leikmaður Crystal Palace, fékk rautt spjald í gær eftir leik liðsins við Aston Villa.
Benteke er fyrrum leikmaður Villa en Palace þurfti að sætta sig við 2-0 tap á útivelli.
Benteke tókst að klára leikinn með Palace en fékk svo rautt spjald eftir að búið var að flauta af.
Martin Atkinson, dómari leiksins, var óánægður með hegðun Benteke sem uppskar beint rautt spjald.
Talað er um að Benteke hafi sparkað til Ezri Konsa, varnarmanns Villa, eftir að lokaflautið heyrðist.
Möguleiki er á að Benteke sé búinn að spila sinn síðasta leik fyrir Palace en aðeins þrjár umferðir eru eftir.
