Liverpool gæti óvænt þurft að spila við Leeds í Samfélagsskildinum áður en næsta tímabil hefst.

Frá þessu greina enskir miðlar en vanalega eru það deildarmeistarar og bikarmeistarar sem mætast í fyrsta leik tímabilsins.

Hins vegar þá gæti Evrópukeppni set strik í reikninginn en liðin sem eru eftir í bikarnum eru Manchester City, Manchester United, Chelsea og Arsenal.

Meistaradeildin og Evrópudeildin verða kláraðar í ágúst en öll lið þurfa að ferðast til Portúgal í 8-liða úrslitum.

The Times greinir frá því að leikurinn um Samfélagsskjöldinn eigi að fara fram þann 23. ágúst á meðan 8-liða úrslitin verða spiluð 21-23 ágúst.

Arsenal er nú þegar úr leik í Evrópukeppni og er Chelsea líklega að kveðja en liðið er 3-0 undir gegn Bayern Munchen í 16-liða úrslitum Meistaradeildarinnar.

Ef City eða United vinna bikarinn þá er útlit fyrir að Liverpool muni spila við sigurvegara Championship-deildarinnar þar sem Leeds er nú á toppnum.