Enska úrvalsdeildin mun endurgreiða 330 milljónir punda eða 56 milljarða vegna sjónvarpsréttinda á enska boltanum. Ástæðan er kórónuveiran og að fresta hafi þurft deildinni.
Þrjár umferðir fara fram eftir 16 júlí og sökum þess þarf deildin að endurgreiða stóra upphæð.
Hluti af þessari upphæð fer til Símans á Íslandi sem hefur réttinn á enska boltanum.
Ef fresta þarf deildinni lengur bætast við 35 milljónir punda eða 5,9 milljarðar íslenskra króna á hverri viku við þessa upphæð.
Félögin taka mis mikið högg á sig samkvæmt Daily Mail en ef Liverpool vinnur deildina þarf félagið að endurgreiða 24,5 milljónir punda en Norwich sem er í neðsta sæti þarf þá að endurgreiða 7,1 milljón punda.
