Geir Þorsteinsson framkvæmdarstjóri ÍA tók við félaginu á slæmum stað. Félagið hafði greint frá 60 milljóna króna tapi á síðasta ári og svo kom kórónuveiran.
Geir er að taka til í rekstri ÍA og Jóhannes Karl Guðjónsson fagnar komu Geirs til féalgsins.
„Það er bara flott að fá Geir inn. Hann er grjótharður rekstrarmaður og hann er á fullu í því að hjálpa okkur í þessum hlutum, að koma okkur aftur á þann stað að við getum verið að reka félagið í ábyrgum rekstri. Það verður hans hlutverk og mitt hlutverk er að liðið fúnkeri vel inni á vellinum,“ sagði Jóhannes Karl við Stöð2 Sport.
Rekstarvandi ÍA hefur mikið verið í fréttum og hafa laun leikmanna verið lækkuð hressilega.
„Það er enginn þvingaður í neitt upp á Skaga. Við erum lítið samfélag. Við erum samstillt samfélag. Við þurfum að gera þetta í sameiningu og ætlum okkur að gera þetta í sameiningu. Það er eina leiðin á erfiðum tímum, ef menn ætla komast almennilega í gegnum það, að þá þarf að vera samstaða og vilji til að vinna hlutina í sameiningu og það ætlum við að gera.“