Alex Song skipti um vinnu árið 2012 þegar hann fór frá Arsenal og Barcelona, hann ákvað að slá til enda vildi hann verða ríkur.
Song taldi sig ekki þéna nóg hjá Arsenal til að verða ríkur. „Ég var hjá Arsenal í átta ár en þénaði bara vel í fjögur ár,“ sagði Song.
„Laun mín hækkuðu hratt, þegar ég gekk í raðir Arsenal þénaði ég 15 þúsund pund á viku. Ég var ungur og spenntur. Ég sá Thierry Henry mæta til æfinga á flottustu bílunum og ég vildi þannig bíl líka.“
„Ég náði aldrei að leggja mikið til hliðar hjá Arsenal, ég átti mest í kringum 100 þúsund pund inn á bók.“
Árið 2012 kom Barcelona til sögunnar og Song sá að hann yrði ríkur. „Ég sá upphæðina sem Barcelona bauð mér, ég hugsaði mig ekki tvisvar um. Ég vildi tryggja framtíð fjölskyldu minnar.“
„Ég hitti stjórnarmann Barcelona sem tjáði mér að ég myndi lítið spila, mér var drullusama. Ég vissi að ég yrði moldríkur.“
