KSÍ fær 500 þúsund dollara frá FIFA eins og allar aðildarþjóðir. Frá þessu var greint í dag.
Um er að ræða 73 milljónir króna sem KSÍ fær í rekstur sinn á næstu dögum frá FIFA. Styrkurinn átti að koma síðar á þessu ári en FIFA ákvað vegna kórónuveirunnar að borga hann út strax.
FIFA segir í yfirlýsingu að sambandið muni svo skoða frekar fjárframlög ef aðildarþjóðir fara fram a slíkt.
,,Það er okkar skylda að styðja við aðildarþjóðir þegar þörf er á slíku,“ sagði Gianni Infantino, forseti FIFA.
Ljóst er að þessir fjármunir koma sér vel innan veggja KSÍ en sambandið hefur verið að hjálpa aðildarfélögum sínum vegna kórónuveirunnar.