Það er ekki öruggt að leikmenn í ensku úrvalsdeildinni taki á sig launalækkun, fundað var um málið í gær og samkomulag náðist ekki.
Leikmenn á Englandi vilja fremur fara aðra leið og láta fjármuni renna í góð málefni, 30 prósenta launalækkun myndi kosta ríkissjóð Englands um 200 milljónir punda.
Lagt er til að laun leikmanna lækki um 30 prósent i tólf mánuði, enska úrvalsdeildin tapar 750 milljónum punda ef mótið klárast ekki.
PFA sem sér um mál leikmanna segir málið snúið, þetta verði áfram rætt og vonast er til að hægt sé að finna lausn.
Mörg félög ráða vel við smá fjárhagslegt högg á meðan önnur verða í miklum vandræðum með rekstur sinn.
