Harry Kane, framherji Tottenham og stjarna liðsins hefur staðfest að hann skoði það að yfirgefa félagið. Kane segist fara ef Tottenham heldur ekki áfram að bæta sig sem lið.
Kane hefur talsverðan metnað fyrir því að vinna titla. Telegraph sagði frá því á dögunum að hann vildi yfirgefa Tottenham.
Jamie Carragher segir að það gæti reynst erfitt fyrir Kane að losna í sumar. ,,Harry Kane er á krossgötum á versta mögulega tímapunkti,“ segir Carragher og segir líklega ekkert félag hafa efni á honum í sumar, vegna kórónuveirunnar.
,,Þetta eru ekki eðlilegir tímar, félög tapa peningum og reyna að minnka kostnað. Frekar en að fara í stóra fjárfestingu.“
,,Leikmaður í hæsta góðaflokki vill fara, það eru minni líkur á því í dag. Kane er í þeim hópi, fá félög hafa efni á honum og mörg þeirra geta þetta ekki í dag.“
