UEFA hefur sent ensku úrvalsdeildinni bréf og biður forráðamenn deildarinnar um að gefast ekki upp og blása mótið af. Allar aðrar deildir fengu sama bréf.

Enginn fótbolti er spilaður á Englandi þessa dagana vegna kórónuveirunnar, Aleksander Ceferi forseti UEFA skrifar undir bréfið. Þar segir að vonir standi til að hægt verði að hefja leik innan fárra mánaða.

Eitt félag í ensku úrvalsdeildinni hefur lagt það til að deildin verði kláruð í Kína, þar sem kórónuveiran byrjaði.

Veiran hefur hægt verulega á sér í Kína en á Englandi er tala sýktra að aukast dag frá degi.

Enska úrvalsdeildin ætlar að gera allt til þess að ljúka leik og skoða félögin alla kosti. Ein hugmyndin samkvæmt The Athletic er að fara til Kína og spila alla leiki þar á mánuði. Með því væri hægt að klára deildina.