Lögreglan í Birmingham vill ná tali af stórstjörnu Aston Vlla, Jack Grealish efitr umferðaróhapp í borginni í gær.

Grealish hafði deginum áður beðið fólk um að halda sig heima á meðan kórónuveiran gengur yfir þar í landi. Útgöngubann er á Bretlandseyjum.

Degi eftir að Grealish hafði beðið fólk um að halda sig heima þá var hann á rúntinum í Birmingham, þegar hann klessukeyrði Range Rover bifreið sína.

Ekki er vitað á hvaða ferðalagi Grealish var en lögreglan vill ræða við hann, einstaklingar eru sektaðir ef þeir eru að brjóta útgöngubann. Aðeins má fara í matvöruverslun eða apótek.