Gary Neville, goðsögn Manchester United, sér eftir því að hafa hundsað ráð Sir Alex Ferguson á sínum tíma.
Það gerði Neville þegar hann tók við Valencia tímabilið 2015/2016 en gengið undir hans stjórn var virkilega lélegt.
,,Það var strax ljóst að einhverjir leikmenn voru óánægðir. Ég hefði átt að taka stórar ákvarðanir um leikmenn sem voru ekki til í verkefnið,“ sagði Neville.
,,Ég man að ég ræddi snemma við Sir Alex og hans ráð var að losa mig við þá og að ég ætti að verja sjálfan mig. Að ég ætti aðeins að vera með leikmenn í klefanum sem voru með sömu hugmyndir.“
,,Ég hlustaði ekki. Ég reyndi að tala við einhverja leikmenn og sannfæra þá um að klára tímabilið. Þeir voru ekki ánægðir. Ég hundsaði ráð Sir Alex.“
