Stjörnurnar í Seriu A sem ekki eru frá Ítalíu flýja nú landið hægt og rólega vegna kórónuveirunnar. Ítalía er hingað til það land sem hefur orðið fyrir mestum áföllum vegna veirunnar.

Ashley Young og Victor Moses yfirgáfu Ítalíu í vikunni eftir tveggja vikna sóttkví, þeir fóru heim til Englands.

Romelu Lukaku fór til Belgíu og Christian Eriksen til Danmerkur. Fleiri hafa haldið heim á leið.

,,Eina hljóðið sem þú heyrir er frá sjúkrabílum,“ sagði Romelu Lukaku em er mættur heim til Belgíu.

,,Ég vissi að þetta væri að fara að gerast, að einhver leikmaður myndi smitast. Það gerðist því miður og listinn lengist.“