Rio Ferdinand, goðsögn Manchester United, talar ekkert ne ma vel um Odion Ighalo, núverandi framherja liðsins, sem kom frá Kína í janúar.

Það efuðust margir um Ighalo sem hefur þó byrjað gríðarlega vel og gæti vel endað á að fá lengri samning en hann er á láni þessa stundina.

,,Vá átta leikir, þrír byrjunarliðsleikir, fjögur mörk og ein stoðsending. Ighalo, semurðu við hann núna?“ sagði Ferdinand.

,,Fólk spurði sig hvað við værum að gera með Ighalo. Hvað Ole væri að hugsa, hvað væri í gangi. Ég var einn af þeim, ég viðurkenni það.“

,,Ighalo hefur verið í Kína sem er ekki nálægt ensku deildinni svo maður spyr sig hvernig hann kemst í takt við hana.“

,,Hann hefur sannað það að fólk hafði rangt fyrir sér. Það er hressandi að sjá einhvern sem spilar eins og stuðningsmaður og er þakklátur.“

,,Það er eins og hann sé hæstánægður með að vera í Manchester United. Hann hefur stutt liðið alla ævi.“