Kristján Daði Finnbjörnsson, var rekinn úr starfi sem yngri flokka þjálfari Gróttu í janúar. Ef marka má hlaðvarpsþáttinn Dr. Football í dag, er uppsögn hans afar umdeild. Sagt er að Kristján hafi verið rekinn úr starfi fyrir að spila ekki syni formanns knattspyrnudeildar Gróttu, formaður knattspyrnudeildar Gróttu í dag er Birgir Tjörvi Pétursson.
,,Það er eitthvað dularfullt í gangi þegar þeir sparka yngri flokka þjálfara í burtu í janúar, sem var að ná flottum árangri. Fjórum mánuðum áður en tímabilið byrjar, hann fékk bara stígvélið. Án skýringa,“ sagði Kristján Óli Sigurðsson, sérfræðingur Dr. Football.
Birgir og Grótta hafa verið að vinna gott starf síðustu ár en ástæðan samkvæmt Kristjáni, er að Kristján Daði spilaði ekki syni formannsins.
,,Engan uppsagnarfrest greiddan, þetta er að enda í hörku. Gróa frænka hvíslaði því að mér, ástæðan fyrir því að drengurinn var látinn fara. Er að hann spilaði ekki syni formannsins í A-liði. Beint rautt í rassvasann.“
Kristján Daði var að þjálfa nokkra flokka hjá Gróttu og hafði gert síðustu ár.
,,Hann átti fyrst bara að hætta með fjórða flokkinn þar sem sonur formannsins var, lögfræðingar komnir í málið. Ég öfunda drenginn ekki, að vera í svona stöðu. Að vera að þjálfa börn stjórnarmanna og þurfa að taka erfiðar ákvarðanir.“
Samkvæmt Kristjáni heldur Grótta því fram að Kristján Daði hafi brotið af sér í starfi.
,,Hrútskýringar frá Gróttu, eru að hann brotið samning. Eina skýringin er að hann hafi ekki valið rétta menn í A-liðið.“
