Dele Alli, leikmaður Tottenham, viðurkennir að hann hafi þurft að breyta eigin hegðun eftir að hafa samið við félagið.

Alli hefur komist í fréttirnar fyrir ýmis hluti síðustu ár en hann spilaði sinn fyrsta landsleik aðeins 19 ára gamall.

Eftir að hafa gengið í raðir Tottenham og spilað fyrir England þá þurfti Alli að takast á við margar breytingar á sama tíma.

,,Eftir að ég byrjaði að spila með landsliðinu þá var mikið af fólki sem stöðvaði mig og bað um myndir,“ sagði Alli.

,,Ári fyrir það var ég eðlilegur strákur frá Milton Keynes sem fór hvert sem ég vildi og gerði hvað sem ég vildi.“

,,Þegar þú ferð í ensku úrvalsdeildina byrjar fólk að taka eftir þér og þú þarft að vera fyrirmynd.“

,,Ég reyni að lifa lífinu sem góð manneskja en hef gert mörg mistök og þarf að læra af þeim.“