Alisson Becker, markvörður Liverpool, fær að mæta á æfingasvæði liðsins annað en aðrir leikmenn liðsins.

Allir leikmenn Liverpool eru í einangrun heima hjá sér en Alisson er meiddur og þarf að mæta á Melwood æfingasvæðið ásamt starfsfólki liðsins.

,,Skilaboð félagsins eru þau að allir eigi að vera heima. Það er öðruvísi fyrir mig því ég er meiddur,“ sagði Alisson.

,,Sem betur fer eru meiðslin ekki mjög alvarleg en allir þurfa á aðstoð að halda og ég held áfram á æfingasvæðinu.“

,,Ég hef ekki verið í sambandi við neinn liðsfélaga því þeir eru allir heima hjá sér. Ég ræði bara við sjúkraþjálfarann og markmannsþjálfarann í endurhæfingunni.“