Willian, leikmaður Chelsea, reynir að fá leyfi frá félaginu til að fara heim og hitta fjölskyldu sína.
Willian greinir sjálfur frá þessu en dætur hans og eiginkona eru í Brasilíu þessa stundina.
Vængmaðurinn er hins vegar enn á Englandi en óvíst er hvort hann megi snúa heim vegna kórónaveirunnar.
,,Eins og staðan er þá er ég einn. Eiginkona mín og dætur eru í Brasilíu. Þau fóru þangað fyrst, ég ætlaði í frí og fara svo,“ sagði Willian.
,,Nú er ég að athuga hvort ég sé með leyfi frá félaginu. Við erum að ákveða þetta. Þau voru við það að koma aftur hingað en það er búið að fresta deildinni til 30. apríl.“
,,Ég er að reyna að fá leyfi frá félaginu til að fara heim. Ég hef útskýrt stöðuna fyrir þeim.“
