Manchester United er að íhuga að ráða goðsögn félagsins Eric Cantona til starfa á nýjan leik.
Það er Mirror sem greinir frá þessu en Cantona er einn besti leikmaður í sögu United í úrvalsdeildinni.
Frakkinn kom fyrst til Englands árið 1992 og samdi við Leeds en gekk í raðir United ekki löngu seinna.
Samkvæmt fréttum er United að skoða það að ráða Cantona sem sendiherra þar sem hann spilaði frá 1992 til 1997.
Cantona hefur síðustu ár verið aðeins í sjónvarpi og til að mynda leikið í skemmtilegum auglýsingum Eurosport.
