Ivan Campo, fyrrum leikmaður Real Madrid, er bálreiður þessa stundina út í stjórnmálamenn Spánar.

Campo segir að stjórnmálamenn þar í landi séu ekki að gera neitt til að takast á við kórónaveiruna sem hefur breiðst út alls staðar í Evrópu.

1,720 manns hafa látist vegna veirunnar á Spáni en forsetisráðherran Pedro Sanchez sagði í gær að það versta ætti enn eftir að koma.

,,Eftir að heyra svo margar lygar frá öllum stjórnmálamönnum Spánar, sem setja á sig medalíurnar og vissu að faraldurinn væri að koma, þeir hafa ekki lyft einum andskotans fingri,“ sagði Campo.

,,Þetta verður verra á hverjum einasta degi því þeir eru ekki hæfir sínu starfi og vita ekkert í sinn haus.“

,,Ég las hvað forsetisráðherran hafði að segja og er að lengja viðvörunina vegna kórónaveirunnar um 15 daga.“

,,En þú ákvaðst ekki að halda fréttamannafund í gær og gast ekki rætt við þjóðina? Hvaða helvítis heimi býrð ÞÚ í?“