Paul Ince, goðsögn Manchester United, hefur gagnrýnt félagið fyrir að semja ekki við Erling Haaland í janúar.

United sýndi Haaland mikinn áhuga en hann ákvað að lokum að ganga í raðir Borussia Dortmund.

Dortmund borgaði 17 milljónir punda fyrir Haaland sem skoraði þrennu í sínum fyrsta deildarleik.

,,Ef þeir ætla að komast nær Manchester City og Liverpool þá þurfa þeir heimsklassa framherja,“ sagði Ince.

,,Þeir áttu möguleika í Haaland og strákurinn fór til Dortmund, það var mjög sorglegt í raun.“

,,Hann er mjög góður ungur leikmaður sem getur bætt sig og þú mátt ekki leyfa svona fólki að sleppa.“

,,Það var svekkjandi að þeir náðu ekki í hann. Þeir væru með leikmenn sem skorar 20-25 mörk á tímabili.“