Philippe Coutinho sér verulega eftir því að hafa samið við Barcelona frá Liverpool í byrjun 2018.
Þetta segir Emmanuel Petit, fyrrum leikmaður Chelsea og Arsenal, en Coutinho fékk eitt tímabil á Nou Camp og var svo sendur til Bayern Munchen á láni.
,,Ef ég væri Philippe Coutinho myndi ég vakna á hverjum morgni og hugsa: ‘Af hverju, af hverju skrifaði ég undir hjá Barcelona?‘ sagði Petit.
,,Vitiði af hverju ég segi það? Ég man eftir því þegar ég vaknaði hjá Barcelona eftir að hafa yfirgefið Arsenal og hugsaði það sama.“
,,Ég er viss um að Coutinho hafi spurt sig sömu spurninga í dágóðan tíma. Hann fór til Bayern Munchen og gerir stundum vel en er ekki byrjunarliðsmaður.“
