Neymar flúði frá París vegna kórónuveirunnar, þetta gerði hann í upphafi vikunnar áður en útgöngubann var sett á í borginni.
Neymar tók einkaflugvél sína og lét hana fara með sig heim til Brasilíu, þar ætlar hann að halda sig á meðan veiran gengur yfir.
Með í för var samlandi hans og liðsfélagi í PSG, Thiago Silva en engar æfingar eru hjá PSG.
Neymar var sagður hræddur við ástandið í París en veiran hefur breiðst hratt út í Frakklandi.
Hann er 28 ára gamall og miðað við líkamlegt atgervi er Neymar ekki í áhættuhópi fyrir veirunni.
