Fjölskylda, Maurizio Sarri þjálfara Juventus hefur áhyggjur af honum vegna kórónuveirunnar. Veiran hefur verið hvað skæðust á Ítalíu.
Sarri er stórreykingamaður og hefur verið það um langt skeið, slíkt fólk er sagt í áhættuhópi.
Sarri hefur ekki farið úr húsi síðustu daga en tveir leikmenn Juventus hafa greinst með veiruna.
Útgöngubann er á Ítalíu og þarf fólk að halda sig heima, nema þegar þarf að fara í búð eða í apótek.
Óvíst er hvenær ítalska úrvalsdeildin fer af stað aftur en veiran fór að herja á Ítalíu seint í febrúar.
