Chelsea hefur ákveðið að lána hótelið sitt fyrir utan heimavöll félagsins, til starfsfólks á sjúkrahúsum í London.

Kórónuveiran er að breiðast hratt út á Englandi en viðbrögð stjórnvalda þar hafa verið gagnrýnd, þau hafa verið hægari af stað en önnur lönd.

Chelsea er með hótel á velli sínum og hefur haft samband við sjúkrahús nálægt vellinum, þar er öllu starfsfólki boðið að koma og halla sér.

Oft er fólk lengi að koma sér heim og með þessu vill Chelsea hjálpa fólki að fá meiri hvíld.

Langar vaktir bíða þeirra sem starfa á sjúkrahúsum í London og getur fólk sparað sér tíma með því að leggja sig á hóteli Chelsea.