Ef marka má frétt Marca á Spáni er líklegra en ekki að Donny van de Beek, miðjumaður Ajax gangi í raðir Manchester United í sumar.

Van de Beek ætlaði til Real Madrid síðasta sumar en félagið náði ekki að selja Gareth Bale og James Rodriguez, sökum þess hætti Real Madrid við.

Real Madrid er hins vegar með samkomulag við Ajax um að klára kaupin í sumar en Van de Beek hefur ekki viljað taka tilboði félagsins.

Manchester United telur sig eiga góðan möguleika á að fá hollenska miðjumanninn sem er 23 ára gamall.

Van De Beek hefur skorað tíu mörk og lagt upp ellefu á þessu tímabili með Ajax.