Masoun Mount, leikmaður Chelsea hafði ekki þolinmæði til að vera í sóttkví og fór út á meðal almennings.

Callum Hudson-Odoi, liðsfélagi Mount greindist með kórónuveiruna seint í síðustu viku og áttu leikmenn Chelsea að fara í viku sóttkví.

Mount var hins vegar mættur út á meðal almennings í gær er hann fór í fótbolta með vinum sínum í London, einnig var Declan Rice leikmaður West Ham með. Hann og Mount eru æskuvinir.

Ekki var leikið í ensku úrvalsdeildinni vegna veirunnar um helgina og því fóru þeir félagar í fótbolta.

Það er hins vegar litið á það alvarlegum augum þegar fólk fer ekki eftir þeim tilmælum að vera í sóttkví, enda veiran að breiðast hratt út og hafa meira en 6 þúsund látið lífið.

Ljóst er að Mount verður refsað af Chelsea fyrir þessa hegðun, öllum leikmönnum var skipað að vera í viku sóttkví.