Bournemouth ætlar að losa sig við Jordon Ibe í sumar, ástæðan eru vandræði hans utan vallar. The Athletic segir frá. Ibe er að spila með varaliði Bournemouth en félagið vill losna við hann í sumar.

Ibe var boðið að framlengja samning sinn á síðasta ári en hann vildi það ekki, hann hefur ekki staðið undir væntingum frá því að hann kom frá Liverpool.

Ibe kostaði Bournemouth 15 milljónir punda árið 2016 en hann fékk 16 mánaða akstursbann á dögunum og væna sekt.

Ástæðan fyrir dómnum er sú að hann keyrði á bílnum sínum inn í kaffihús í sumar, að auki keyrði hann á Mercedes bifreið sem var þar fyrir utan. Það sem gerði illt verra, er að Ibe flúði af vettvangi en atvikið átti sér stað í London í sumar.

Atvikið átti sér stað snemma morguns, ekki er útilokað að hann hafi verið dauðadrukkinn og sökum þess flúið af vettvangi.

Ibe ók um að Bentley bifreið sinni, hann hafnar því að hafa flúið af vettvangi. Hann hafi beðið um stutta stund en enginn verið sjáanlegur og hann því farið. Atvikið átti sér stað um 04:00 að nóttu til Dómari sagði að Ibe hefði keyrt Bentley jeppa sínum inn í kaffihúsið og beðið í nokkrar mínútur, hann hafi síðan bakkað út og farið. Kaffihúsið var illa farið og þurfti að fara í miklar viðgerðir.