Garðar Örn Hinriksson, fyrrum dómari fer yfir feril sinn í viðtali við Fótbolta.net í dag. Þar fer hann yfir hvað gekk á þegar hann var á hátindi ferilsins. Garðar var mikið til umræðu þegar hann var að dæma knattspyrnu, í efstu deild hér á landi.
Nokkur ár eru síðan að Garðar lagði flautuna á hilluna en í viðtalinu við Fótbolta.net segir hann frá því að hann hafi í tvígang, viljað berja leikmann sem hann var að dæma hjá.
Garðar segist einu sinni hafa ætlað að sparka í leikmenn sem hann þoldi ekki, sá lá meiddur á grasinu og var með leikþátt að mati Garðars. ,,Ég varð brjálaður. Ég ætlaði að vaða í hann og sparka í hann. Ég er ekki að grínast. Ég ætlaði að sparka í hann. Þá hefði þetta orðið minn síðasti leikur,“ sagði Garðar við Fótbolta.net. Hann segir að liðsfélagar mannsins hafi haldið sér frá því að sparka í manninn.
Hitt atvikið segir Garðar að hafi átt sér stað þegar honum var lagt orð í munn.
„Ég er skaphundur, ég viðurkenni það alveg. Þeir áttu það skilið að það væri sparkað í þá eða kýlt þá. Sem betur fer var mér haldið frá þeim. Ég er ekki maður ofbeldis þó ég hafi sagt þetta. Ég hef aldri á ævinni slegið manneskju, lent í slagsmálum eða verið sleginn sjálfur. Þarna munaði litlu í fyrsta skipti,“