FH gerði 2:2 jafntefli gegn Sarasota Metropolis FC í Flórída í kvöld í leik sem FH var töluvert sterkari aðilinn.
Sarasota komst yfir með marki úr vítaspyrnu á 39.mínútu en aðeins mínútu síðar jafnaði Hjörtur Logi metin með góðu skoti utan vítateigs. Steven Lennon kom FH yfir með marki úr vitaspyrnu á 59.mín sem hinn 18 ára gamli Óskar Magnússon fiskaði en Sarasota jafnaði metin úr skyndisókn á 82.mín.
FH hefur dvalið síðustu viku á Flórída en Ólafur Kristjánsson vill fá 2-3 leikmenn til FH áður en tímabilið hefst.
Lið FH: Gunnar (Daði 46.) – Þórður, Guðmann, Guðmundur, Hjörtur Logi – Baldur (Baldur Logi 58., Þórir (Logi Hrafn 70.), Björn Daníel – Jónatan, Lennon, Atli G. (Óskar 13.)
