Mikel Arteta, stjóri Arsenal, notar Harry Kane sem dæmi um að Pierre-Emerick Aubameyang sé í heimsklassa.
Gary Neville, goðsögn Manchester United, ræddi Aubameyang í vikunni og sagði að fólk horfði ekki á hann sem leikmann í heimsklassa – Aubameyang á ekki stórt titlasafn.
Það sama má segja um Kane sem spilar með Tottenham en hann er talinn einn besti sóknarmaður heims.
,,Harry Kane skoraði 30 mörk en hann hefur aldrei unnið deildina, þið vitið það,“ sagði Arteta.
,,Það eru mörg dæmi um leikmenn sem standa sig frábærlega en því miður vinnur bara eitt lið titilinn. Þú getur ekki fengið allt í lífinu.“