Luke Shaw vonast að bætt frammistaða sín með Manchester United skili sér í landsliðshóp Englands þegar Evrópumótið fer fram í sumar. Shaw hefur ekki verið í hóp í síðustu 15 leikjum Gareth Southgate og félaga.
Shaw lék síðast með enska landsliðinu fyrir 17 mánuðum en hann hefur misst af síðustu tveimur stórmótum. Shaw fór á HM í Brasilíu árið 2014, þá aðeins 19 ára gamall en sama sumar fór hann til Manchester United.
Meiðsli og slæm spilamennska hefur orðið til þess að Shaw hefur ekki haldið sæti sínu í hópnum. Hann hefur spilað vel síðustu vikur og vonast til að halda takti.
,,Ég væri að segja ósatt ef ég talaði eins og ég væri ekki að hugsa um það,“ sagði Shaw.
,,Ég verð að halda áfram að leggja hart að mér, vera með hausinn niðri og það sem gerist, það gerist. Það er draumur allra að vera á s´tormóti.“
,,Þetta er ekki bara undir mér komið, þetta er undir Gareth komið og ég virði allar ákvarðanir hans.“