Gary Neville, sérfræðingur Sky Sports hefur lítið álit á reglum UEFA er varðar fjárhag knattspyrnufélaga, hann styður Manchester City sem hefur verið dæmt í tveggja ára bann frá Evrópukeppnum.

UEFA braut FFP reglur FIFA, dómur UEFA var kveðinn upp fyrir helgi en City mun áfrýja dómnum. Félagið telur sig ekki hafa gert neitt rangt. ,,Ég hef lengi haft skoðun á FFP, fólk mun segja að það sé vegna þess að ég er eigandi Salford. Að City geti ekki notað fjármuni eigandans, er bull í honum huga. FFP er ekki rétta leiðin,“ sagði Neville.

,,FFP var tekið upp til að koma í veg fyrir að félög færu á hausinn, það eru aðrar leiðir til þess. Þegar eigendur kaupa félag eiga þeir frekar að sjá til þess að þeir eigi fjármuni, til að standa við gerða samninga. Eigendur City hafa gert það.“

,,Við hefðum aldrei séð félög eins Chelsea, City, Blackburn og Leicester ná árangri án eiganda með fjármuni. Þau væru alltaf fyrir neðan United, Liverpool og Arsenal sem hafa sögu og miklu meiri tekjumöguleika.“

,,Það er neikvætt þegar eigendur byrja að versla og hætta við og félagið fer í þrot, við sáum það með Bury.“

,,Ég held að City hafi betur gegn UEFA, ég hef enga trú á UEFA. Þetta er vonlaus samtök, þeir ná að stoppa þetta í dómssal og City fer ekki í neitt bann.“